الاكسجين اللى ربنا خلقه لينا في أحسن صورة واللى موجود ببلاش في الهواء الجوي حوالينا في كل مكان ده
أصل زمان كانوا بيدرسولنا ان الانسان بيتنفس عن طريق عمليتي الشهيق والزفير .. الشهيق بياخد فيها الاكسجين من الهوا .. والزفير بيطلع ثاني أكسيد الكربون
واحنا مسافرين في عز الحر و ع الطريق الصحراوي لاقيت الناس كلهم قفلوا الشبابيك اللي جنبهم حتي السواق وأصبحت العربية أشبه ما يكون بالفرن
وطبعا على حسب الكلام اللى لسا قايله واللى درسناه زمان المفروض ان بعد فترة من الزمن الاكسجين الموجود في الفرن ده يخلص وفعلا اتملي الجو بثاني اكسيد الكربون محملا برائحة العرق والشرابات
وأنا استني ان حد يحس بالحر ده ويفتح الشباك يهوي العربية شوية ... أبـــدا
قولت التمس ليهم العذر .. جايز يكونوا مبيحسوش !!
واستني ان حد يزهق من ريحة العرق والشرابات ... أبــدا
قولت بردو متظلمهمش .. يمكن مبيشموش !!
طب يا جماعة ممكن تفتحوا الشبابيك شوية .. الدنيا كاتمه أووي
بس طلعوا .. مبيسمعوش !!
ازغد الراجل اللى جنبي عشان يعمل أي منظر
بس شكله كده .... مااات !!
يللا مش مشكلة .. امد انا ايدي وافتحه بنفسي
(( نفـــس عميــــق ))
يااااااه أخيرا ده انا كنت هاتخنق .. الحمـــد لله
وفجأة الراجل صحي من الغيبوبة اللى كان فيها وقفل الشباك !!
- ايه يا عم مش شايف الهوا شديد ازاي ؟
- هوا ايه اللى شديد ؟ وبعدين دي فتحة صغيرة يادوب تهوي المكان
- يعني عشان تهوي المكان تقوم تموتنا احنا ؟
وبدأت تتعالي الاصوات من حوالينا
- اهدوا يا رجالة مش كده أمــال
- معلش يا استاذ استحمل دي كلها تمنتاشر ساعة ونوصل
- يا جماعة عايز اشم شوية أوكسجين .. هاموت حرام عليكم
فنظر أحدهم باستغراب : تشم ايه ؟؟!! .. أعوذ بالله .. شباب آخر زمن
وقال آخر بصوت هادي ومتقطع : معلهش يبني .. الناس الكبيرة زي حالاتي .. متستحملش الهوا ده
فقلت في نفسي وأنا اكتم انفي من رائحة النيكوتين والقطران التي تفوح من فمه " لما انت خابف اوي كده على صحتك لزمتها ايه البلاوي اللى بتشربها دي "
وآثرت الصمت
وبدلا من أن التمس لهم عذرا انهم ميعرفوش حكاية الشهيق والزفير والاكسجين والكلام ده ( يخربيت الجهل يا جدع )
قولت التمس العذر للعلماء اللى قالوا المعلومة دي في لحظة سهو
وفين وفين على ماوصلنا قولت الحق املى رئتي بشوية اكسجين صافي قبل ما تاكلها العتــه
بس يا خسارة كان كل اللى موجود دخان من مصنع الصابون والعربيات في الطريق على حبة تراب من اللى قلبك يحبهم
عشان كده فعلا العلماء شكلهم هم اللى غلطانين وان عملية الشهيق بتكون بالنيتروجين والكبريت وخامس فوسفات الباريوم والزفير برابع اكسيد المنجنيز
ومن هذا المنطلق باطالب كل مسئول إنه يحافظ على خامس فوسفات الباريوم ويشوف حل في المناهج البايظة دي
أصل زمان كانوا بيدرسولنا ان الانسان بيتنفس عن طريق عمليتي الشهيق والزفير .. الشهيق بياخد فيها الاكسجين من الهوا .. والزفير بيطلع ثاني أكسيد الكربون
واحنا مسافرين في عز الحر و ع الطريق الصحراوي لاقيت الناس كلهم قفلوا الشبابيك اللي جنبهم حتي السواق وأصبحت العربية أشبه ما يكون بالفرن
وطبعا على حسب الكلام اللى لسا قايله واللى درسناه زمان المفروض ان بعد فترة من الزمن الاكسجين الموجود في الفرن ده يخلص وفعلا اتملي الجو بثاني اكسيد الكربون محملا برائحة العرق والشرابات
وأنا استني ان حد يحس بالحر ده ويفتح الشباك يهوي العربية شوية ... أبـــدا
قولت التمس ليهم العذر .. جايز يكونوا مبيحسوش !!
واستني ان حد يزهق من ريحة العرق والشرابات ... أبــدا
قولت بردو متظلمهمش .. يمكن مبيشموش !!
طب يا جماعة ممكن تفتحوا الشبابيك شوية .. الدنيا كاتمه أووي
بس طلعوا .. مبيسمعوش !!
ازغد الراجل اللى جنبي عشان يعمل أي منظر
بس شكله كده .... مااات !!
يللا مش مشكلة .. امد انا ايدي وافتحه بنفسي
(( نفـــس عميــــق ))
يااااااه أخيرا ده انا كنت هاتخنق .. الحمـــد لله
وفجأة الراجل صحي من الغيبوبة اللى كان فيها وقفل الشباك !!
- ايه يا عم مش شايف الهوا شديد ازاي ؟
- هوا ايه اللى شديد ؟ وبعدين دي فتحة صغيرة يادوب تهوي المكان
- يعني عشان تهوي المكان تقوم تموتنا احنا ؟
وبدأت تتعالي الاصوات من حوالينا
- اهدوا يا رجالة مش كده أمــال
- معلش يا استاذ استحمل دي كلها تمنتاشر ساعة ونوصل
- يا جماعة عايز اشم شوية أوكسجين .. هاموت حرام عليكم
فنظر أحدهم باستغراب : تشم ايه ؟؟!! .. أعوذ بالله .. شباب آخر زمن
وقال آخر بصوت هادي ومتقطع : معلهش يبني .. الناس الكبيرة زي حالاتي .. متستحملش الهوا ده
فقلت في نفسي وأنا اكتم انفي من رائحة النيكوتين والقطران التي تفوح من فمه " لما انت خابف اوي كده على صحتك لزمتها ايه البلاوي اللى بتشربها دي "
وآثرت الصمت
وبدلا من أن التمس لهم عذرا انهم ميعرفوش حكاية الشهيق والزفير والاكسجين والكلام ده ( يخربيت الجهل يا جدع )
قولت التمس العذر للعلماء اللى قالوا المعلومة دي في لحظة سهو
وفين وفين على ماوصلنا قولت الحق املى رئتي بشوية اكسجين صافي قبل ما تاكلها العتــه
بس يا خسارة كان كل اللى موجود دخان من مصنع الصابون والعربيات في الطريق على حبة تراب من اللى قلبك يحبهم
عشان كده فعلا العلماء شكلهم هم اللى غلطانين وان عملية الشهيق بتكون بالنيتروجين والكبريت وخامس فوسفات الباريوم والزفير برابع اكسيد المنجنيز
ومن هذا المنطلق باطالب كل مسئول إنه يحافظ على خامس فوسفات الباريوم ويشوف حل في المناهج البايظة دي
