بسم الاب والابن والروح القدس الالة الواحد امين
ســنين فــاتت ... (مكتوبة + فيديو )
الــقرار :
سنين فاتت و بتقودنا
يا راعينا و مرشدنا
و تفضل وزنتك إحنا
سنين تانية يا سيدنا
نظير إسمك و له معنى
نذير للرب تجـمعنا
بروح الله تسمّعنا
كلامه و بيه بتنفعنا
و لما إخترت تبقى معاه
يا أنطونيوس يا سريانى
ف ديرك عشت فيه وياه
بصلواتك يا روحانى
.. بصلواتك يا روحانى
يسوع إختارك تبقى كاروز
و راعينا تدوم لينا
كلامك كله لينا كنوز
يا شمعة حب تهدينا
ولا المهجر ف يوم ما نسيت
ولادك اللى ف الغربة
تسافر بره ما مليت
و تصلى للى ليه طلبه
.. و تصلى للى ليه طلبه
و سائح عشت ف الصحراء
ساكن لكن بلا عنوان
لا همك أرضها جرداء
شايفها بالإيمان بستان
يا راهب فِكره كله سلام
حياتك كلها تسليم
تمر سنين ورا أيام
و تصبح أسقف التعليم
.. و تصبح أسقف التعليم
حتى ف تعبك فاكرنا
سافرنا بقلوبنا معاك
صلينا ورفعنا إيدينا
ليسوع دايماً يرعاك
ولا ننسى يا سيدنا
مصر وطنا ف قلبك إيه
قلت إنها عايشة فينا
مش وطن و بنعيش فيه
.. مش وطن و بنعيش فيه
يا بابا ف القلوب متشال
و تعلمنا بالأمثال
شفافية و مالها مثال
تجاوب اللى عنده سؤال
حنان أبوى و حساينه
و إنجيل بينا عايشينه
قلوبنا يا رب تدعيله
تبارك عمره و تديمه
.. تبارك عمره و تديمه
أجراس كنيسة و لحن سلام
بعيد جلوسك يا راعينا
فرحتنا بيك صبحت ترانيم
يا نعمة من عند فادينا
كرازتنا ف عهدك إنتشرت
و زادت ف بلاد و بلاد
كهنتنا بإيدك إترسمت
لهياكل رب الأمجاد
... لهياكل رب الأمجاد
سنين فاتت و بتقودنا
يا راعينا و مرشدنا
و تفضل وزنتك إحنا
سنين تانية يا سيدنا
...
الترنيمة صوت :
سنين فاتت
الترنيمة فيديو :
نائلين غاية ايمانكم خلاص النفوس
[ندعوك للتسجيل في المنتدى أو التعريف بنفسك لمعاينة هذه الصورة]
